Khit Thit သတင်းဌာန၏ မေ ၂၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၃ ရက် မနက်ပိုင်းတင်ဆက်ပေးမယ့်သတင်းကတော့ -ရှမ်းပြည်နယ်တောင်ပိုင်း၊ မိုင်းပွန်မြို့အခြေစိုက် ခြေမြန်တပ်ရင်း ၅၁၇ တပ်မှ ဗိုလ်ကြီးမျိုးသီဟ ဟာ ကရင်နီပြည်နယ် အတွင်းတိုက်ပွဲမှာ သေဆုံးသွားပြီး အလောင်းတောင်ပြန်မရဘူးလို့ မိသားစုနှင့် နီးစပ်သော သတင်းရင်းမြစ်က ပြောပါတယ်။ - မန္တလေးတိုင်း မြင်းခြံဗဟိုအကျဉ်းထောင်မှာ ဖမ်းဆီးခံထားရတဲ့ နိုင်ငံရေး အကျဉ်းသား ၇ ဦးကို စစ်တပ်နှင့် ရဲတွေက အကြောင်းမဲ့ခေါ်ထုတ် ရိုက်နှက်စစ်ဆေးမှုများ ပြုလုပ်ခဲ့တာကြောင့် နိုင်ငံရေး အကျဉ်းသားတွေဟာ အစာငတ်ခံဆန္ဒပြနေတယ်လို့ သိရပါတယ်။ - စစ်ကိုင်းတိုင်း၊ စစ်ကိုင်းမြို့နယ်၊ ပဒူရွာကို အကြမ်းဖက် စစ်တပ်က တိုက်လေ ယာဥ်နဲ့ဗုံးကျဲပြီးနောက် စစ်ကြောင်းက ရွာကို စီးနင်း မီးရှို့နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
